Այսօր «Էրեբունի պլազայում» տեղի ունեցավ «2012թ. ԱԺ ընտրությունների վերաբերյալ հայկական առցանց ԶԼՄ-ների լուսաբանման մշտադիտարկում» հետազոտական նախագծի ամփոփում, միջանկյալ զեկույցի համառոտ նկարագրում, որը ներկայացրեցին «Լրագրողներ հանուն ապագայի» հասարակական կազմակերպության նախագահ Սուրեն Դեհերյանը եւ ծրագրերի վերլուծաբան Լուիզա Իսրայելյանը:
Հետազոտության նպատակն է արձանագրել հայաստանյան առցանց ԶԼՄ-ների աշխատանքային գործընթացը ընտրություններին վերաբերող լուսաբանումների տեսանկյունից՝ նախընտրական 3 ամիսների եւ հետընտրական 1 ամսվա ընթացքում: Մշտադիտարկման մեթոդոլոգիան հիմնված է քանակական եւ որակական ցուցանիշների վերլուծության վրա: Ցուցանիշների համար հիմք են հանդիսանում դիտորդների կողմից արձանագրվող տվյալները՝ մշակված գործիքակազմին համապատասխան:
Հետազոտության հիմնական խնդիրներն էլ հետեւյալն էին՝. 1. չափել ընտրական թեմայի լուսաբանումների քանակը դիտարկվող առցանց լրատվամիջոցներում. 2. արձանագրել լուսաբանումների քանակն ըստ կուսակցությունների, 3. արձանագրել առկա լուսաբանումների երանգավորումը/չեզոք, բացասական, դրական/,4. արձանագրել լուսաբանումների երանգավորումն ըստ կուսակցությունների:
Կարդացեք նաև
Սուրեն Դեհերյանը նշեց, որ մշտադիտարկման օբյեկտների կազմի մեջ են 10 առցանց հայկական ԶԼՄ-ներ, որոնք գործունեություն են ծավալում լրատվական դաշտում եւ պարբերաբար անդրադառնում են ընտրությունների թեմային. www.1in.am, www.7or.am, www.a1plus.am, www.azatutyun.am, www.civilnet.tv., www.lragir.am, www.news.am, www.tert.am, www.panarmenia.net, www.panorama.am: Լրատվամիջոցներում առկա լուսաբանումների քանակական ցուցանիշները՝ ըստ կուսակցությունների հետեւյալն էին՝ առաջին տեղում ՀՀԿ-ն է, որին առնչվում է յուրաքանչյուր երրորդ լուսաբանում /31,1 %/, երկրորդ տեղում ՀԱԿ-ը / 17,2 %/: ԲՀԿ-ն 12,7 %-ով զբաղեցնում է երրորդ տեղը, իսկ «Ժառանգությունը» 9,0 % ցուցանիշով եզրափակում է առավել բարձր արդյունքներ ունեցողների ցանկը: Միջանկյալ դիրք են զբաղեցնում ՀՅԴ-ն /4,9 %/ եւ ՕԵԿ-ը /4,8%/: Ւնչ վերաբերում է լուսաբանումների տոնայնությանը, ըստ հեղինակի վերաբերմունքի, ապա այն հիմնականում չեզոք է եղել: Բացասական վերաբերմունք համեմատաբար քիչ է նկատվել, իսկ դրական վերաբերմունքը բացակայում է: Հատկանշական է, որ բացասական վերաբերմունքի ցուցանիշով էլի առաջատարների մեջ են ՀՀԿ-ն /10 %/ եւ ԲՀԿ-ն / 6%/:
Անժելա ՇԱՀՈՒՄՅԱՆ
