«Հանրապետություն» կուսակցության առաջնորդ Արամ Սարգսյանը Գյումրիում կայացած ՀԱԿ հանրահավաքի ժամանակ օրինակ բերելով իր ընկերներին՝ միջազգային մասշտաբի գիտնական Հրանտ Բագրատյանին, Կարեն Դեմիրճյանի որդուն՝ Ստեփան Դեմիրճյանին, ու նաեւ իրեն՝ որպես սպարապետ Վազգեն Սարգսյանի եղբոր, ասաց, որ իրենք այնպիսի մարդկանց զավակներ ու եղբայրներ են, ովքեր Հայաստանում ապրելու խնդիր չունեն. իրենց ճանապարհները բաց են այս երկրում, սակայն ընդդիմություն լինելը իրոք հաճույք է:
«Հավատացնում եմ ձեզ, ընդդիմություն լինելու հաճույքը անհամեմատ շատ ավելի մեծ է, քան ցանկացած իշխանության, ճիշտն ասելու իրավունքը, որ դու կարող ես մարդկանց առջեւ կանգնել, նայել աչքերին, ասել ճիշտը, ինչ մտածում ես. էդ հաճույքը անգնահատելի է, դրան անվանում են ազատություն»,- ասաց Արամ Սարգսյանը՝ շեշտելով, որ ՀԱԿ-ը չի գալիս մարդուն մարդով փոխելու համար, այլ իրենք գալիս են համակարգ փոխելու:
Ն. ԱՐԵՎՇԱՏՅԱՆ
«Առավոտ» օրաթերթ
