«Հանրապետություն» կուսակցության առաջնորդ Արամ Սարգսյանը Գյումրիում կայացած ՀԱԿ հանրահավաքի ժամանակ իր զարմանքը հայտնեց պատգամավորների թեկնածուների ցուցապաստառներից: «Ժողովուրդ ջան, առաջին բանը որ մտա Գյումրի, ինձ զարմացրեց էս նկարների շքահանդեսը, ասես Կաննի ֆեստիվալ լինի, նկարները փռել են՝ մեկը մեկից մեծ: Իրենց նախկին շեֆ Ռոբերտ Քոչարյանը մտածում էր, որ էս երկրի ամենաուժեղ տղեն, միակ տղամարդը նա ա, ով ամենաշատ ախրանիկներ ունի: Էդ սկզբունքով էր գնում, ուր որ գնում էր՝ ժամերով չէր վերջանում նրա թիկնազորը, էս տղերքն էլ՝ նկարները դնողները, իրա էրեխեքն են, իրանց թվում ա, որ կոստյում, փողկապ հագան, մեծ նկար կպցրին, ինչքան նկարը մեծ՝ էնքան քվեն շատ, էնքան ինքը լավ տղա: Չէ, տղերք ջան, էդ էդպես չէ. որ Արարատ 73-ի մայկա-տռուսիկը հագնեք, Իշտոյան չեք դառնա, դրանով չի փոխվում, ախր, էնքան պարզ ու պրիմիտիվ ա»,- ժողովրդի հետ իր տպավորությունները կիսեց Արամ Սարգսյանը:
«Առավոտ» օրաթերթ
Կարդացեք նաև
