ԱրմԻնֆո: Շվեդիայի ադրբեջանցիների կոնգրեսը՝ ի դեմս կազմակերպության նախագահ Էմիլ Միրզոևի, պաշտոնական հրավեր է ստացել՝ մասնակցելու Ռիքսթագում ղարաբաղյան հակամարտության վերաբերյալ բանաձևի քննարկմանը, որը կկայանա մայիսի 9-ին։
Ինչպես հաղորդում է APA գործակալությունը՝ վկայակոչելով Կոնգրեսին, բանաձևի քննարկման կարգի համաձայն, ելույթ կունենան Կանաչների, Սոցիալ-դեմոկրատների, Մոդերատորների, Ցենտրիստների կուսակցությունների, Ժողովրդական կուսակցության, Քրիստոնեա-դեմոկրատական կուսակցության և Ձախերի կուսակցության ներկայացուցիչները։
Բոլոր կուսակցական ելույթներից հետո իր կարծիքը կհայտնի Ռիքսթագում Կանաչների կուսակցության խմբի ղեկավար, տվյալ բանաձևի հեղինակ ու նախաձեռնող Մեհմեդ Կապլանը։ Ելույթից հետո կուսակցությունների ներկայացուցիչներին հնարավորություն կտրվի ղարաբաղյան հակամարտության վերաբերյալ իրենց հետաքրքրող հարցեր տալ Մեհմեդ Կապլանին։ Ռիքսթագում քննարկման ավարտից հետո տվյալ բանաձևի առնչությամբ որոշում կընդունվի։
