Նախագահ Սերժ Սարգսյանը Մաշտոցի այգում կրպակներն ապամոնտաժելու հրահանգ տալով խախտել է Սահմանադրությունը, «Տեղական ինքնակառավարման մարմինների մասին» օրենքը, «Երեւան քաղաքում տեղական ինքնակառավարման մասին» օրենքները: Այս մասին հարցին ի պատասխան՝ այսօր «Սիվիլիթաս» հիմնադրամում քաղաքական բանավեճի ժամանակ, ՀՅԴ խմբակցության քարտուղար Արտյուշա Շահբազյանն այսպիսի դիտարկում արեց. «Կա՛մ նախագահի արածն էր անօրինական,կամ մինչ այդ քաղաքապետարանի արածն էր անօրինական, այլապես ո՞նց հասկանանք»: «Ժառանգություն» խմբակցության ղեկավար Ստյոպա Սաֆարյանն էլ նշեց, որ Մաշտոցի դեպքը ցույց տվեց, որ մեր երկրում հասարակության պայքարը կարող է արդյունք տալ. «Փառք ու պատիվ բնապահպանական ակտիվիստներին, բայց այս դեպքը ցույց տվեց, որ միեւնույն է, մեր երկրում խնդիրների լուծումը գտնվում է մեկ մարդու ձեռքում»:
Պարոն Սաֆարյանը նաեւ նշեց, որ ով էլ լիներ Երեւանի քաղաքապետը, նա լինելու էր «խամաճիկ»:
Հռիփսիմե ՋԵԲԵՋՅԱՆ
Կարդացեք նաև
