Նախընտրական այս շրջանում ինձ շատ եմ հարց տալիս, թե մարդիկ ինչու են այդքան ցանկանում պատգամավոր դառնալ: Հասկանալի է, երբ ԱԺ ցանկանում են մտնել քաղաքական ուժերը, գործիչները, երկրում արմատական, հեղափոխական փոփոխություններ անել ցանկացողները: Բայց իմ դիտարկմամբ՝ որոշ թեկնածուներ պարզապես ցանկանում են պատգամավորուԹույնից օգտվել, քանի որ չեն կարող կտրվել դրանից կամ տենչում են դա: Զարմանալ կարելի է, թե ինչպիսի ուժ ունի պատգամավորուԹույնը, որ դրանից չկտրվելու համար Հայաստանի ամենահարուստ մարդը հայտարարում է, որ իրեն կինն է պահում, ավելին՝ խնդրում է, որպեսզի իր նախընտրական հիմնադրամին գումար փոխանցվի, որպեսզի կարողանա քարոզարշավ իրականացնել: Կամ մեկ ուրիշ ամենահարուստ պատգամավոր թեեւ հայտարարում է, որ ԱԺ-ն իր տեղը չէ եւ այլեւս չի դնելու իր թեկնածությունը, բայց հետո, հավանաբար զգալով, որ չի դիմանա պատգամավորուԹույնի քաղցին, դնում է: Կամ պատգամավոր դառնալ ցանկացող թերթի գլխավոր խմբագիրը հայտարարում է, որ իր նախընտրական քարոզարշավի ֆինանսավորման համար վաճառել է առանձնատունը:
Ախ, այդ թույնը, պատգամավորուԹույնը:
ԿԱՐԵՆ ՄԵԺԼՈՒՄՅԱՆ
Փաստաբան
«Առավոտ» օրաթերթ
