Պատգամավորի թեկնածու Ռուբեն Հայրապետյանի գնահատմամբ, նախընտրական շրջանն անցավ խաղաղ ու բնականոն ռիթմով: Նա համաձայն չէ, թե իշխանական թեկնածուներն այս ընթացքում խոչընդոտել են ընդդիմության թեկնածուների աշխատանքները կամ բռնություն կիրառել. «Որոշ պատգամավորի թեկնածուներ ինքնահաստատվելու խնդիր ունեն, փորձում են ինտրիգներ անել: Նույն Նիկոլ Փաշինյանն ամեն ինչ անում էր, որ Սամվել Ալեքսանյանն իրեն ծեծի, ինքն ասել էր այնպես պետք է անեմ, որ ինձ ծեծեն, բայց մենք հստակ հրահանգ ունենք, որ չի կարելի, մեր առաջ խնդիր է դրված, որ պետք է անցկացնենք լավագույն ընտրությունը»:
Պարոն Հայրապետյանի խոսքերով, երեկ էլ «Ժառանգության» պատգամավորի թեկնածու Ստեփան Սաֆարյանն էր հայտարարել, թե Ավանում Հայրապետյանի համախոհները խոչընդոտում են իրենց աշխատանքը.« Իսկ գիտեք ոստիկանությունում եկել ու ճանաչել է այդ համախոհներին՝ 13 տարեկան 2 երեխա էին: Ինչպե՞ս կարող են այդ երեխաներն իմ համախոհները լինել… 13 տարեկան երեխան բուկլետը պատռել է, ե՞ս եմ ասել»:
Պարոն Հայրապետյանը նաեւ ասաց, որ ընտրությունները չունեն այն արժեքը, որ մեկը մյուսին թշնամանա:
Կարդացեք նաև
Արփինե ՍԻՄՈՆՅԱՆ
