«Իրատես de facto»-ի հարցերին պատասխանում է թիվ 7 ընտրատարածքում պատգամավորի թեկնածու առաջադրված Սամվել Ալեքսանյանը
– Պարոն Ալեքսանյան, վերջին շրջանում Դուք շատ հետաքրքիր իմիջով եք հանդես գալիս։ Եվ ուրեմն, երբ «թողեցիք» Ձեր բիզնեսը, սկսեցիք սարսափելիորեն շատ հարցազրույցներ տալ, այսպես ասած՝ «իրոնիկ», եթե ավելի անկեղծ՝ խիստ «շուստրի», քաղաքագիտորեն ձեւակերպած՝ «մրցակցային» մտքեր հայտնելով. իմիջմեյքե՞ր ունեք։
– Չունեմ։ Պարզապես ժամանակն է, որ ես քաղաքականությամբ զբաղվեմ: Շատ ավելի ակտիվ: Շատ ավելի մոտիկից: Այդպիսին է իմ որոշումը:
– Ո՞ր ոլորտում՝ հատկապես:
– Կերեւա:
– Հասկացանք: Ու անցանք առաջ: Ի տարբերություն մյուս «ոչ գործարարների», պարոն Ալեքսանյան, մենք Ձեզ ավելի հաճախ ենք պառլամենտում տեսնում, ինչո՞ւ:
– Այսուհետ, ասացի, ընդհանրապես շատ հաճախ եք տեսնելու, ես շատ պարտաճանաչ եմ լինելու։ Չեմ բացակայելու, ակտիվ հարցադրումներ եմ կատարելու։
– «Քաշվա՜նք»։ Առանց այն էլ Դուք սարսափելի դեմոկրատիկ իմիջի մեջ եք վերջերս հայտնվել. Դուք ոչ միայն «ոչ գործարարների», այլեւ պատգամավորների թեկնածուների մեջ ամենահասանելին եք եւ դարձել եք պառլամենտական թիվ մեկ «թոփը»՝ հարցազրույցներ տալու առումով, չկա հարց, որին Դուք չպատասխանեք՝ ընդհուպ մինչև ամենաանձնական. է՞դ էլ են Ձեր «չունեցած» իմիջմեյքերները իորհուրդ տվել, թե դա ներքին բխման արդյունք է։
– Բացառապես՝ ներքին բխման։
– Այդ «թոփությունը», ակտիվ քաղաքականությամբ զբաղվելու որոշումը արդյո՞ք հեռուն գնացող նպատակներ չեն հետապնդում։
– Երբեք։
Զրույցը՝ Կարմեն ԴԱՎԹՅԱՆԻ
«Իրատես դե ֆակտո»
