Այսօր ժ.9.30-ին Կենտրոն եւ Նորք-Մարաշ վարչական շրջանների ընդհանուր իրավասության դատարանում Մխիթար Պապոյանի նախագահությամբ նշանակվել էր նախկին քաղբանտարկյալ Վարդգես Գասպարիի դեմ հարուցված քրեական գործի դատաքննությունը:
«Դատալեքս» տեղեկատվական համակարգն էլ հուշում էր, որ նիստը կայանալու է հենց այդ դատարանում, հենց այդ ժամին: Սակայն դատարանի դուռը փակ էր. ոչ աշխատանքային օրվա կապակցությամբ դատարանները չէին աշխատում:
Aravot.am-ին այլ բան չէր մնում, քան տեղեկացնել կողմին դատական նիստը «հետաձգելու» մասին:
Կարդացեք նաև
Հիշեցնենք, որ անցյալ տարվա հոկտեմբերի 20-ին ՀՀ կառավարության շենքի մոտ Գասպարին հանրահավաքի ժամանակ «աղմկել» է եւ խանգարել «ներկաների հանգիստը»:Հարուցվել էր քրեական գործ՝ խուլիգանության հատկանիշներով, Գասպարիին բերման էին ենթարկել ոստիկանության բաժին:
Ռուզան ՄԻՆԱՍՅԱՆ
