Ապրիլի 8-24-ը ընկած ժամանակահատվածում բոլոր հեռուստառադիոընկերությունների կողմից տրամադրվող եթերաժամից ամենաշատը օգտվել է «Դաշնակցությունը» ՝ 4464 րոպե: Հաջորդը «Բարգավաճ Հայաստանն» է՝ 4244 րոպե: «Ժառանգությունը»՝ 4080 րոպե, ՀԱԿ-ը՝ 3687 րոպե, ՀՀԿ-ն՝ 3421 րոպե, ՕԵԿ-ը՝ 3266 րոպե, Հայաստանի դեմոկրատական կուսակցությունը՝ 1746 րոպե, Կոմունիստական կուսակցությունը՝ 1581 եւ Միավորված հայերը՝ 904 րոպե: Այսօր այս ցուցանիշները հրապարակեց ՀՌԱՀ նախագահ Գրիգոր Ամալյանը: Նա ասաց, որ հաշվետու ժամակահատվածում հանձնաժողովը ընտրական օրենսգրքի խախտումներ չի արձանագրել ու հեռուստաընկերությունների գործունեությոնից գոհ ու շնորհակալ են: Պարոն Ամալյանի խոսքերով, Հանրային հեռուստաընկերության եթերաժամից ամենաշատը օգտվել է ՀԱԿ-ը ՝329 րոպե ու ամենաքիչը՝ Միավորված հայերը՝ 69 րոպե: Թե այդ ինչպես է պատահել, որ Հանրային հեռուստաեթերում ամենաշատը ընդդիմությանն է եթեր տրամադրվել հարցին , պարոն Ամալյանը հարցով պատասխանեց.«Ձեզ պիտի խնդրեմ, որ ընդդիմադիրների ձեր սանդղակն ասեք, շատ ընդդիմադիրներ ունենք: Լուսաբանման ծավալները կախված են կուսակցությունների նախընտրական քարոզչության ակտիվությունից »:
Արփինե ՍԻՄՈՆԱՆ
