Չորաթանի մշակույթի տունը
Տավուշի մարզի Բերդի տարածաշրջանի Չորաթանի գյուղապետարանի շենքը վնասվել է ադրբեջանական հրետակոծությունից: Գյուղապետարանը իր սուղ միջոցներով կառույցի մի մասը նորոգել է:
Չորաթանի գյուղապետարանի շենք
Չորաթանի մշակույթի տունը եւս ադրբեջանական հրետակոծությունից տուժել է, կառույցի տանիքը եւ ճակատամասը վնասված են: Շենքը նորոգելու համար մեծ գումար է պահանջվում: Հրետակոծված մշակույթի տանը բացված է ընտրական տեղամաս:
Տավուշի մարզում ադրբեջանական ռմբակոծությունից վնասված համայնքային ենթակայության բազում կառույցներ կան, որոնց նորոգելու համար ֆինանսական միջոցներ չկան: Երկրորդ աշխարհամարտում ջախջախվելուց, հսկայական ռազմատուգանք մուծելուց հետո Գերմանիան 10 տարում վերականգնեց դաշնակիցների ռմբակոծությունից քանդված բոլոր օբյեկտները, իսկ նորօրյա ազատամարտում հաղթանակած, տարածքներ ազատագրած Հայաստանը՝ 20 տարում այդ խնդիրը չի լուծել:
Ոսկան ՍԱՐԳՍՅԱՆ
Կարդացեք նաև
