Այսօր «Սիվիլիթաս» -ը կուսակցությունների ներկայացուցիչների մասնակցությամբ հերթական բանավեճն էր կազմակերպել, որին ներկայացել էին միայն Դաշնակցության, «Ժառանգության», «Բարգավաճ Հայաստանի» եւ ՀԱԿ-ի ներկայացուցիչները:
Հանդիպման ժամանակ ՀԱԿ ներկայացուցիչ Մովսես Արիստակեսյանը վստահեցրեց, որ իրենց առաջարկած սոցիալական փաթեթը բավականին մրցունակ է` 80.000 դրամի են հասցնելու նվազագույն աշխատավարձը, պայքարելու են ստվերային տնտեսության դեմ:
Մասնակիցներից մեկը նրանից հետաքրքրվեց` ինչպես են պայքարելու ստվերի կրճատման ուղղությամբ ու ինչ երաշխիքներ կան, որ ընտրություններում իրենց հաղթանակի դեպքում, ՀՀԿ-ական օլիգարխներին չեն փոխարինի ՀՀՇ-ական օլիգարխներ: Ի պատասխան պարոն Արիստակեսյանն ասաց. «Ձեզ պետք է մի քիչ լուսավորել, թե ինչ է Հայ ազգային կոնգրեսը, դա ՀՀՇ չէ, այն 18 կուսակցությունների եւ հասարակական քաղաքական կազմակերպությունների միավորում է, որտեղ կան քաղաքական տարբեր հայացքների տեր մարդիկ: Մեր «100 քայլ» ծրագրում հստակ կան այն քայլերը, որ ոչ «Բարգավաճը», ոչ հանրապետականը, ոչ կոմունիստը չեն կարող լինել օլիգարխ: Այո, բռնագանձելու ենք ապօրինի, ոչ օրինական իշխանությունների ժամանակ գումարները ու բերելու ենք բյուջե»: Հարցին, թե Գագիկ Ծառուկյանի գումարներն է՞լ են պետբյուջե բերելու, պարոն Արիստակեսյանն ասաց` այո եւ ընդգծեց, որ խոսքը վերաբերում է անօրինական ճանապարհով կուտակած գումարներին:
Կարդացեք նաև
Արփինե ՍԻՄՈՆՅԱՆ
