«Մի երկրում որեւէ արարք կարող է համարվել քրեական հանցագործություն, իսկ մեզ մոտ՝ ոչ, կամ ծանր հանցագործությունների որոշ տեսակների համար երկրներ կան, որտեղ մահապատիժը որպես պատժատեսակ դեռ կիրառելի է, իսկ մեզ մոտ այն վերացվել է: Չեմ ուզում թվարկել, բայց օրենսդրորեն այդ հարցը կանոնակարգված է եւ յուրաքանչյուր դեպքում փորձում ենք համալիր ուսումնասիրել եւ խստագույնս հետամուտ լինել նաեւ մարդու իրավունքների պաշտպանությանը»,- «Առավոտի» հետ հարցազրույցի ժամանակ ասաց ՀՀ գլխավոր դատախազի տեղակալ Արմեն Դանիելյանը, պատասխանելով այն հարցին, թե ներպետական դատական ատյանները ո՞ր դեպքում կարող են մերժել կալանավորելու միջնորդությունը:
Իսկ հարցին, թե եղե՞լ են դեպքեր, երբ հետախուզում հայտարարած երկիրն ուղղակի հետաքրքրություն չի ցուցաբերել տվյալ անձի կալանավորման կամ իրենց հանձնելու հարցի նկատմամբ, Ա. Դանիելյանը պատասխանեց. «Հետեւողականություն չցուցաբերելու դեպքեր չենք ունեցել, բայց եղել են դեպքեր, երբ ուշացումով ենք ստացել միջնորդությունները կամ անհրաժեշտ նյութերը: Նման դեպքերում եթե ժամկետը լրանում է, մենք ազատում ենք անձին արգելանքից եւ նրան հանձնելու խնդրին անդրադառնում միջնորդությունը ստանալուց հետո: Բնականաբար, տվյալ անձը միջնորդությունը ստանալուց հետո կարող է կրկին կալանավորվել»:
Ա. Դանիելյանի հետ հարցազրույցը ամբողջությամբ՝ վաղվա «Առավոտում»:
