Հատվածներ ՀՀԿ փոխնախագահ Գալուստ Սահակյանի հարցազրույցից:
– Ի՞նչ կանեք, եթե մեծամասնություն չկազմեք, եւ եթե մեծամասնություն ձեւավորի ԲՀԿ-ն:
– Այդ մասին չենք մտածում, որովհետեւ եթե մենք մեծամասնություն չկազմենք, ուղղակի հարց կառաջանա, թե ի՞նչ է անելու մեր ժողովուրդն ընդհանրապես: Այսօր մարդիկ քարոզարշավի են գնում եւ մոռանում են Ղարաբաղի մասին մեկ-երկու խոսք ասել: Իսկ մեր հիմնական հաղթաթուղթը, որով եւ մտել ենք քաղաքականություն՝ մեր երկրի համար կարեւորագույն օրակարգի հաղթահարումն է՝ Ղարաբաղի խնդրի լուծումը: Չեմ բացառում, որ ցանկությունների տեսքով շատ քաղաքական ուժեր կարող են նույն մոտեցումն ունենալ, բայց մեր քաղաքական ամբողջ պոտենցիալը որեւէ քաղաքական ուժ այսօր չունի: Իհարկե PR տեխնոլոգիաների միջոցով հնարավոր է ամեն ինչ, բայց այդ տեխնոլոգիաներով հնարավոր չէ երկիր ղեկավարել: Առավել եւս մինչեւ վերջ հասցնել այն քաղաքական օրակարգը, որը այսօր ունի Հայաստանը:
– Քաղաքական շրջանակներում դուք կանխատեսում անողի համբավ ունեք: Կարո՞ղ եք կանխատեսել՝ ինչ քաղաքական ուժեր կլինեն խորհրդարանում եւ ինչ ներկայացվածություն դրանք կունենան:
Կարդացեք նաև
– Չեմ ուզում իմ կանխատեսումներով խառնաշփոթ գցել, բայց 2007 թվականի քարոզարշավի հինգերորդ օրը ես հայտարարեցի, որ Հանրապետականը մեծամասնություն կունենա: Այսօր ասում եմ, որ ՀՀԿ-ն ունենալու է 67 տեղ: Մյուսների մասին ոչինչ չեմ ասի, որպեսզի մարդիկ չհիասթափվեն:
Մելանյա ԾԱՌՈՒԿՅԱՆ
«Չորրորդ ինքնիշխանություն»
