Հայաստանի իշխանությունները թափանցիկ չեն աշխատում հայ-թուրքական հարաբերությունների հարցում: Այս կարծիքին է թուրքագետ Արտակ Շաքարյանը. «Որովհետեւ օրինակը հիշում ենք, երկու տարի առաջ արձանագրությունների ժամանակ բուռն քննարկում էր գնում, որ Հայաստանի մաքսային, հարկային ու միգրացիոն օրենսգրքերը պատրաստ չեն Թուրքիայի հետ սահմանը բացելուն: Ցավոք սրտի, ես տեղյակ չեմ, թե վերջին երկու տարվա ընթացքում մենք ինչքանով ենք պատրաստ դարձել Թուրքիայի հետ սահմանը բացելուն, եթե մենակ այս կետն էլ վերցնենք, ապա կարելի է ասել, որ թափանցիկություն ու նախաձեռնություն չկա»:
Թուրքագետը, սակայն, կարծում է, որ Հայոց ցեղասպանության ճանաչման գործընթացը մտել է 2-րդ փուլ՝ հերքումը քրեականացնելու փուլը. «Խորհուրդ կտայի չֆիքսվել միջազգային հանրությունը կճանաչի՞ , թե՞ ոչ , ի վերջո մեզ պետք է, որ Թուրքիան ճանաչի ցեղասպանությունը»:
Պարոն Շաքարյանի խոսքերով, ինտերնետի հասանելիության շնորհիվ Հայաստանը կարողացավ ուղիղ կապ հաստատել թուրք ազգաբնակչության հետ, ու արդեն Անկարայի թույլտվությունը պետք չէ Թուրքիային որեւէ բան քարոզելու համար. «Սկսել ենք ցեղասպանության մասին հայերենով հոդվածները թարգմանել անգլերեն, բայց ժամանակն է նաեւ թուրքերենով հրատարակենք ցեղասպանության մասին գրքերը ու տեղադրենք համացանցում… Բայց այս աշխատանքը բավարար չէ»:VOICE018
Արփինե ՍԻՄՈՆՅԱՆ
