ՀԱԿ թեկնածու Արամ Մանուկյանն այս օրերին տնետուն, դռնեդուռ այցելություններ է կազմակերպում եւ արդեն ավելի քան 1300 բնակչի հետ է զրուցել. «Ընդհանուր վիճակն այս է՝ մոտ 30 տոկոսը ֆիզիկապես չկա, դռները փակ են, մնացած 40 տոկոսի մոտ պարտադիր կան բացականեր, կեսից ավելին դրսում մարդ ունի, ընդհանուրի 30-40 տոկոսը հուսահատ է, պասիվ ու չի հավատում որեւէ քաղաքական ուժի, իսկ ակտիվ մասը՝ 40 տոկոսը ընդդիմադիր է: Հանդիպել եմ Դաշնակցության, «Ժառանգության», «Բարգավաճ Հայաստանի» համախոհներին, ամենաքիչը հանրապետականներն են, համարյա չեմ հանդիպել, որ բաց ճակատով, հպարտությամբ ասեն, որ Հանրապետական կուսակցությունն են ներկայացնում»:
Պարոն Մանուկյանը հավատում է՝ եթե կարողանա պասիվ ու հուսահատ ընտրողներին ընտրության բերել, աննախադեպ արդյունքներ կստանան. «Եթե այդ պասիվ 40 տոկոսի կեսին էլ կարողանամ ակտիվացնել, հույս ներշնչել, որ գան ընտրության մասնակցեն, ում էլ ուզում են ձայն տան, դա կլինի հաջողություն: Եթե մասնակցությունը շատ լինի, ես կարծում եմ, որ այստեղ հանրապետականի պարտությունը երաշխավորված կլինի»:
Արփինե ՍԻՄՈՆՅԱՆ
Կարդացեք նաև
