Քիչ առաջ Ծիծեռնակաբերդի՝ Մեծ եղեռնի զոհերին նվիրված հուշահամալիրում ավարտվեց Հայ Հեղափոխական Դաշնակցության կազմակերպած ջահերով երթը։
Մի քանի հազար երիտասարդներ Ազատության հրապարակում նախ այրեցին Թուրքիայի դրոշը՝ ի նշան բողոքի թուրքական կառավարության մեկդարյա ժխտողականության։ Այնուհետեւ նրանք ջահերով գնացին դեպի Ծիծեռնակաբերդ։ Երթին մասնակցում էին տարբեր երիտասարդական սկաուտական կազմակերպությունների անդամներ, Հայ Առաքելական եկեղեցու հոգեւորականներ։ Նրանք հոգեհանդստի կարգ կատարեցին Ծիծեռնակաբերդի հուշահամալիրի անմար կրակի մոտ։ Հայաստանի ազգային սկաուտկան շարժման (ՀԱՍԿ) անդամները անմար կրակի մոտ խոնարհել էին այն երկրների դրոշները, որոնք պետականորեն ճանաչել են 20-րդ դարասկզբին Օսմանյան կայսրությունում հայերի դեմ իրագործված ցեղասպանության փաստը։ Մանրամասները կարդացեք այստեղ:
