«Երբ ձեզ վաուչեր էինք տալիս՝ կարող է լավ չստացվեց, բայց ես ինձ մի օբյեկտ չվերցրի: Ինքը վաուչեր տվեց՝ Քաջարանի մոլիբդենը վերցրեց»,- այսօր Մարտունիում ՀԱԿ-ի քարոզարշավին նշեց նախկին վարչապետ Հրանտ Բագրատյանը:
Նա մարտունեցիներին հարցրեց. «Տեսե՞լ եք կադրերը՝ վարչապետին ասում են՝ Բագրատյանը բանավեճի է կանչում՝ ասում է ցտեսություն ու շուռ գալիս գնում: Հո հետեւից խոսալով չի՞, ասելիք ունեիր, դե գայիր խոսայիր»: Բագրատյանը Սերժ Սարգսյանի չիրականացած ծրագրի կետերը կարդալուց հետո՝ մարտունեցիներին խորհուրդ տվեց. «Երբ Սերժը գա ստեղ, Բուշի վրա ո՞նց կոշիկ շպրտեցին, մի թայ կոշիկ էլ դուք հանեք խփեք»:
Մարտունիում շատ ջերմ ընդունեցին Ստեփան Դեմիրճյանին: Մի կին նրա ելույթի ժամանակ գոռում էր. «Դու արժանի հոր զավակ ես, օր դու եղար՝ մենք կօրհնվինք, քու հոր վախտն մեր վիճակն ամենալավն է եղել»:
Կարդացեք նաև
Հռիփսիմե ՋԵԲԵՋՅԱՆ
