Հանրապետական կուսակցության հետ «Ժառանգության» համագործակցության մասին լուրերը «Ժառանգություն» կուսակցության ղեկավար Րաֆֆի Հովհաննիսյանը համարում է հերթական հերյուրանքը, կեղծիքն ու սուտը. «Որը մատնում է որոշ մարդկանց մտահոգությունը եւ իրականության անհաղորդակից լինելը, որ «Ժառանգությունն» այս անգամ գալիս է նոր մեծամասնություն կազմելու համար»:
Aravot.am-ի հետ զրույցում պարոն Հովհաննիսյանը վստահեցրեց, որ 50 տեղամասային հանձնաժողովների հարցում էլ առաջացած խնդիրները միայն համակարգաչային վրիպակ են ու նորից ընդգծեց՝ հանձնաժողովների մասով էլ ՀՀԿ-ի հետ իրենք չեն պատրաստվում համագործակցել. «Վրիպակից այն կողմ, նրանք, որոնք պնդում են որեւէ պայմանավորվածության մասին, պահանջում եմ փաստերով ու ապացույցներով խոսեն, որովհետեւ հետայսու յուրաքանչյուրը պատասխան է տալու թե ժողովրդի, թե օրենքի առջեւ… Նրանք, որոնք խոսում են դիտավորյալ պայմանավորվածությունների մասին , հավանաբար այլ բան, սեփական հետաքրքրություններց ելնելով, քան ուրիշի հետ գործարքի մեջ մտնելը, չեն կարող պատկերացնել: Ամեն մեկը իր հայելու ու կենսափորձի համապատասխան է մեղադրական անում, բոլորին ներել եմ»:
«Ժառանգության» հասեցին հնչող քննադատությունը կուսակցության ղեկավարը պայմանավորեց մի քանի պատճառներով. «Որոշ մարդիկ անակնկալի են եկել «Ժառանգության» հետեւողական, հաջողակ ընտրարաշավից, եւ մենք գնում ենք դեպի հաղթանակ, մարդկանց մի տեսակ կա, որը կարող է խանդել , մյուսը՝ նեղանալ, պատրվակ փնտրել սեփական ընտրարշավի որակների համար, մենք որեւէ պատրվակ կամ քավության նոխազ չենք փնտրում»:
Անդրադառնալով Տիգրան Կարապետյանի հայտարարությանը, թե «Ժառանգությունը» «խուրդել են», պարոն Հովհաննիսյանը ասաց.«Տիգրան Կարապետյանին ամենաբարին եմ մաղթում, հույս ունեմ հաջողակ կլինի… ով չի ուզում տեսնել նոր Հայատանի հրամայականը, կարող է դիմադրել, միանալ կամ չմիանալ, բայց ես անձամբ այլեւս թույլ չեմ տալու որեւէ մեկը խաղ տա «Ժառանգության» պատվի եւ հայ ժողովրդի քվեի հետ»:
Կարդացեք նաև
Արփինե ՍԻՄՈՆՅԱՆ
