Վայքում պատասխանելով լրագրողներից մեկի հարցին, որ ուկրաինական մամուլն անդրադառնալով Հայաստանի ընտրություններին, արձանագրել է ՀԱԿ-ի եւ ԲՀԿ-ի հարաբերությունների ջերմացում, գրել են անգամ, որ ԲՀԿ-ն է ֆինանսավորում ՀԱԿ-ին՝ ԲՀԿ նախագահ Գագիկ Ծառուկյանը մեկ անգամ եւս վերահաստատեց, որ Հայ ազգային կոնգրեսի հետ որեւէ համագործակցություն ԲՀԿ-ն չունի, բացի ընտրությունների օրինականության վերահսկման գործընթացից:
Ծառուկյանը մեկ անգամ եւս նշեց, որ հանուն ազատ, արդար, թափանցիկ ընտրությունների՝ ԲՀԿ-ն համագործակցում է եւ Դաշնակցության, եւ Հանրապետականի ու բոլոր այն ուժերի հետ, որոնց նպատակն էլ դա է: ՀԱԿ-ԲՀԿ ջերմացող հարաբերություններ արձանագրողներն, ըստ Ծառուկյանի, ցանկանում են հանրությանը թյուրիմացության մեջ գցել:
Նելլի ԳՐԻԳՈՐՅԱՆ
Կարդացեք նաև
