Հանրային կարծիքի ուսումնասիրության համառուսաստանյան կենտրոնը (ВЦИОМ)` «Շանթ» հեռուստաընկերության պատվերով անցկացրած սոցհարցումների ընթացքում հետաքրքրվել էր ոչ միայն քաղաքական ուժերի վարկանիշով, այլեւ դրանց առաջնորդների: Հարցման մասնակիցներին տրվել էր հետեւյալ հարցը` եթե նախագահական ընտրություններն անցկացվեին այս կիրակի օրը, ո՞ւմ կընտրեիք:
Ըստ այդ հարցումների` Սերժ Սարգսյանը մրցակից չունի: Նրա այսօրվա վարկանիշը 34% է: Սակայն նրա «հակավարկանիշը», այսինքն` մարդկանց թիվը, ովքեր որեւէ պարագայում նրան ձայն չէին տա, նույնպես բավականին բարձր է` 10%: Նրան հաջորդում է, ընդ որում, գրեթե եռակի ցածր ձայներով` 11% վարկանիշով, ԲՀԿ առաջնորդ Գագիկ Ծառուկյանը: Սակայն նա լավ վիճակում է «անտիռեյտինգի» առումով: Նրանք, ովքեր որեւէ պարագայում նրան ձայն չէին տա, հարցվածների ընդամենը 1%-ն են եղել:
Երրորդ տեղում Ռոբերտ Քոչարյանն է իր 5% վարկանիշով եւ 3% հակավարկանիշով:
ВЦИОМ-ի գլխավոր տնօրեն Վալերի Ֆյոդորովի խոսքերով՝ «տխուր վիճակ» է ՀԱԿ առաջնորդ Լեւոն Տեր-Պետրոսյանի մոտ, ում հարցման ենթարկվածների ընդամենը 3%-ը ձայն կտար, իսկ ահա 25%-ը որեւէ պարագայում ձայն չէր տա:
2% վարկանիշ ունի Րաֆֆի Հովհաննիսյանը: Նրա հակավարկանիշը ընդամենը 0% է:
Կարդացեք նաև
Մելանյա ԲԱՐՍԵՂՅԱՆ
