Սերժ Սարգսյանը ՀՀԿ-ի նախընտրական քարոզարշավին անընդհատ հորդորում է չհավատալ այլոց խոստումներին, ինչը նույնն է թե` վստահել իրենց:
Կառավարությունը ձախողել է իր իսկ ներկայացրած ծրագիրը, մարդկանց կենսամակարդակը ՀՀԿ-ի կառավարման տարիներին բացարձակապես չի լավացել: Նախորդ տարվա պետական բյուջեն փաստացի չի կատարվել, թեև ֆինանսատնտեսական ճգնաժամ չկար:
Այս ամենի համար, սակայն, որևէ մեկը, թեկուզ բարոյական պատասխանատվության չի ենթարկվել: Նախագահը վարչապետից այս ձախողումների համար ոչ միայն երբեք բացատրություն չի պահանջել, այլև պաշտպանել ու խրախուսել է: Ընտրություններից առաջ և նախընտրական այս ընթացքում ՀՀԿ-ն ո՛չ ուղղակի, ո՛չ էլ անուղղակի երբեք իր թույլ տված որևէ բացթողում չմատնանշեց, որևէ սխալի, թերացման համար հասարակությունից ներողություն չխնդրեց:
Ավելին, չնկատելու տալով ստեղծված իրավիճակը` ի հեճուկս հասարակության, նրա դժգոհությունների ու սպասելիքների, մատուցվում է առաջընթաց ու զարգացում ապրող երկրի ու հասարակության ինչ-որ անիրական մի կերպար: Դա ոչ միայն անսխալականության բարդույթի վառ արտահայտություն է, այլեւ անուղղակի հավաստում, որ իր հաղթանակի դեպքում ոչ մի իրական փոփոխություն չի լինելու:
Կարդացեք նաև
«Երկիր»
