«Առավոտ երիտասարդականն» իր ընթերցողին այսօրվանից տալիս է ևս մեկ նոր ժամանցի հնարավորություն: Այսուհետ կարող եք տեղեկանալ ինչպես հին, այնպես էլ նոր դուրս եկած ֆիլմերի մասին հենց մեր կայքում, իմանալ, թե աշխարհում ինչ հետաքրքիր մեկանբանություններ են արվել դրանց մասին, հնարավորության դեպքում տեսնել ֆիլմի թրեյլերը, իսկ երեկոյան, մեր ֆեյսբուքյան էջում, դիտել ֆիլմն ամբողջությամբ: Դրանք կլինեն բոլոր ժանրերի մեջ` կատակերգությունից մինչև դրամա ու թրիլեր:
Եւ այսպես, պատրաստում ենք ադի-բուդիները, հավաքվում ընկերներով ու դիտում «Մաքսանենգություն» ( Контрабанда) ֆիլմը: Ի դեպ, այս թրիլերը Մոսկվայի կինոթատրոններում սկսել է ցուցադրվել 2012 թվականի հունվարի 12-ից, իսկ Հայաստան դեռ չի հասել:
Հեղինակը Բալտասար Կորմակուրն է: Ֆիլմի միջոցով նա նկարագրում է մաքսանենգների կյանքը` մեծ համարձակություն ու բարձր դրույքներ: Հերիք է մի քիչ թուլանալ և մահն անխուսափելի է: Իսկ այդ ոլորտում Կրիսը լավագույնն է: Նրան անվանում են Գուդինի, բայց նա դուրս է գալիս այդ կեղտոտ խաղից, ամուսնանում է և սկսում իր սեփական բիզնեսը, բայց որոշ ժամանակ հետո, համգամանքների բերումով նորից վերադառնում:
«Մաքսանենգություն» ֆիլմը նկարահանվել է երեք քաղաքներում` ԱՄՆ, Ֆրանսիա, Մեծ Բրիտանիա: Տևողությունը 109 րոպե է: Գլխավոր դերերում են Քեյթ Բեկինսեյլը, Մարկ Ուոլբերգը, Բեն Ֆոստերը, Ջիովաննի Րիբիզին, Լուկաս Խաասը, Սիմոնս Դիեգոն, Լունա Ժակլինը, Ուոլբերգ Կալեբը եւ Լենդրի Ջոնսը:
Filmx.net-ում այն ունի 80-ից ավել մեկնաբանություն: Գրեթե բոլորն են գոհ ֆիլմից: Հանդիպեցին նաև մարդիկ, ովքեր հավանել էին նաև ֆիլմի երգը (soundtrack), որի հեղինակը Քլինթոն Շորթերն է:
Ֆիլմն ամբողջությամբ, HD որակով կարող եք դիտել մի քանի ժամից «Առավոտ երիտասարդականի» ֆեյսբուքյան էջում, իսկ մինչ դա՝ Ձեզ ենք ներկայացնում «Մաքսանենգություն»-ի թրեյլերը.
Արամ Արարատյան
