Ի՞նչ է արել նախորդ հինգ տարիներին «Ժառանգություն» խմբակցության պատգամավոր Անահիտ Բախշյանը եւ ի՞նչ անելիք ունի, եթե նորից ընտրվի պատգամավոր: Այս հարցին այսօր Քաղաքական եւ միջազգային հետազոտությունների կենտրոնի կազմակերպած հանդիպմանը պատասխանեց թիվ 12 ընտրատարածքում առաջադրված պատգամավորի թեկնածու Ա. Բախշյանը. «Հայաստանը չուներ հանրակրթության մասին օրենք, եւ 2009-ին ընդունվեց: Ճիշտ է, կրթության ոլորտում չենք տեսնում առաջընթաց, բայց ես դրա մեջ շատ ավելի խորքային պատճառներ գիտեմ, քան օրենքի չլինելը կամ այն, թե օրենքը լինելով՝ շատ բան է փոխվելու: Մեր քաղաքական համակարգն է նպաստում այս վիճակին, չեմ ուզում խորանալ: Այս պահին Ազգային ժողովում նոր օրենքի համահեղինակ եմ, այդ օրենքի վրա 2 տարի շարունակ աշխատել է մի թիմ, ոը շատ կարեւոր ու արմատական քաղաքականություն է ներառելու՝ համընդհանուր ներառական հանրակրթության մասին փոփոխություններն են լինելու , եւ ես պարատավոր եմ լինել խորհրդարանում, որ այս օրենսդրական նախագիծը պաշտպանեմ: Ձեզ հետ անկեղծ լինեմ, այ տարի 65 տարեկան եմ դառնալու եւ ինձ դպրոցն էլ հետ չի ընդունի, ուզեմ-չուզեմ՝ պետք է գնամ Ազգային ժողով, հո անգործ չե՞մ նստելու»:
Արփինե ՍԻՄՈՆՅԱՆ
