Առաջիկայում Ա. Սպենդիարյանի անվան օպերայի ու բալետի ազգային ակադեմիական թատրոնն ու Արամ Խաչատրյանի անվան ֆիլհարմոնիկ համերգասրահը տեխնիկապես կվերազինվեն: Այսօր կառավարությունը հաստատեց այդ երկու հաստատությունների վերազինման գործընթացի մասին որոշումը:
Մշակույթի նախարար Հասմիկ Պողոսյանի խոսքերով,
Հայաստանում համերգային սրահներ չեն կառուցվել, իսկ տասնյակ տարիներ առաջ կառուցված սրահները չեն վերազինվել «Մեծ դժվարություններ են առաջացել թե տեղական աշխատանքների համար , թե հյուրախաղերի ընթացքում. չենք կարողանում տեխնիկական ռեզերվներն ապահովել, դրսից ենք ներմուծում»: Վերազինման ծրագիրը նախատեսված է ավարտին հասցնել հաջորդ տարվա հունվարին:
Կարդացեք նաև
Կառավարության մեկ այլ որոշմամբ, Շիրակի մարզի Վահրամաբերդի մշակութային տունը կվերանորոգվի : Նախարարի խոսքերով, մշակույթի տան՝ Մինասի որմնանկարով պատն ամրակայելու հրատապ խնդիր է առաջացել:
Վարչապետն էլ վստահեցրեց, որ Մինաս Ավետիսյանի «Հայաստան» որմնանկարը վերականգնելուց հետո՝ այն Մշակույթի տնից չի տեղափոխվելու .«Անհրաժեշտ է գյումրեցիներին տեղյակ պահել, որ որմնանկարը մնալու է Մշակույթի տանը, որոհետեւ արդեն հարցադրումներ ենք ստանում, թե գումար է հատկացվում, որ որմնանկարը փոխվի: Որմնակարը հենց այնտեղ էլ լինելու է» :
Տիկին Պողոսյանն էլ ասաց, որ այս որոշումից հետո Մինասի ութ որմնանկարներից վերականգնման անհրաժեշտություն կունենան եւս երկու որմնանկար: Վարչապետն էլ ասաց, որ այդ երկու գործերի վերականգնման համար գյումրեցիները կգտնեն հովանավորողներ. «Խնդիր չէ տասից քսան միլիոն հատկացնեն այդ երկու որմնանկարները փրկելու համար» :
Արփինե ՍԻՄՈՆՅԱՆ
