Երեկ «Բրյուսովցիներ» միությունը հրապարակավ հայտնել էր, որ համաձայն չէ ԵՊԼՀ ռեկտոր Սուրեն Զոլյանի պաշտոնաթողության հետ: Միությունը պահանջել էր, որ «Աշոտյան-Զոլյան ընտրության մեջ իշխանությունները զոհաբերեն Աշոտյանին, այլ ոչ գիտությունների դոկտոր, Եվրախորհրդի փորձագետ Սուրեն Զոլյանին»: Aravot.am-ը այցելեց համալսարան, որտեղ օրվա առաջին կեսին սովորական դասապրոցես էր ընթանում: Վ. Բրյուսովի արձանի վրա փակցված էր «Չկա Զոյլանը, չկանք մենք» կարգախոսը, իսկ մուտքի պատին` «Մենք ազատ ուսանողներ ենք, ինքնորոշվենք եւ վառենք կանթեղները…Համալսարանը մերն է: Ապագան կհաղթի անցյալին» գրությունը:
Համալսարանի դռանն էլ արդեն նախկին ռեկտորի ուղերձն էր ուսանողներին. «Խնդրում եմ զերծ մնալ դասադուլ անելու գաղափարից, քանի որ մեր առաջնային խնդիրն ուսումնական պրոցեսի անխափանությունն ապահովելն է: Դասապրոցեսը խափանելու դեպքում առաջին հերթին վնաս է հասցվելու ռեկտորին: Ստեղծվելու է կարծիք, որ ես չեմ կարողանում ապահովել ուսումնական գործընթացի բնականոն ընթացքը: Մեղադրելով ինձ դրանում ` կարող են ռեկտորի նոր պաշտոնակատար նշանակել»:
Այնուամենայնիվ ժամը 15-ի սահմաններում ԿԳ նախարարության շենքի առաջ բրյուսովցի ուսանողները ցույց արեցին՝ վանկարկելով. «Աշոտյան, իջիր», «Ազատ, անկախ Բրյուսով»:
Կարդացեք նաև
Լուիզա ՍՈՒՔԻԱՍՅԱՆ
