Կենտրոնական բանկը երեկ վերջապես անդրադարձել է Հայաստանում վերջին ամիսներին արագ տարածում գտած MMM ֆինանսական պիրամիդային եւ հայտարարությամբ զգուշացրել, որ «նշված սխեմայով իրականացվող գործունեությունը ՀՀ կենտրոնական բանկի կողմից լիցենզավորված չէ, եւ սխեմայում ներգրավված գումարների վերադարձը որեւէ կերպ չի երաշխավորվում»։
Այն, որ դեռեւս 90-ականների սկզբին հայտնի MMM ֆինանսական բուրգը, որի ղեկավար Սերգեյ Մավրոդին երկար տարիներ անցկացրեց բանտում՝ ֆինանսական խաբեությունների համար, այժմ արագ տարածում է ստանում Երեւանում, մենք գրել էինք դեռ երկու շաբաթ առաջ։ Իսկ Մավրոդիի ֆինանսական ապարատներն արդեն տեւական ժամանակ տեղադրված են Երեւան քաղաքի մի շարք կենտրոններում՝ «Երեւան Սիթի» սուպերմարկետներում, «Փարվանա» ռեստորանում, «Սեգաֆրեդո» սրճարանում, «Այրարաի» տոնավաճառում եւ այլուր։
Մարինե ԽԱՌԱՏՅԱՆ
«Հրապարակ»
