Մոնիտորինգի խմբի անդամները ներկայացնում են արդյունքներըՆինա Իսկանդարյանը նկատել է, որ լրագրողները ներկայացնում են միայն նախընտրական ծրագրերի ընդհանուր դրույթները
Մոնիտորինգի խմբի անդամները ներկայացնում են արդյունքներըՆինա Իսկանդարյանը նկատել է, որ լրագրողները ներկայացնում են միայն նախընտրական ծրագրերի ընդհանուր դրույթները
Այսօր, Կովկասի ինտիտուտում կայացավ «Կուսակցութունների նախընտրական խոստումներ» թեմայով մամլո ասուլիս, որի ընթացքում ինստիտուտը ներկայացրեց հետազոտողների խմբի կողմից 2012թ-ի խորհրդարանական ընտրություններին մասնակից կուսակցությունների նախընտրական խոստումների վերլուծությունը՝ հիմնված ԶԼՄ-ներում եւ կուսակցությունների պաշտոնական կայքերում հրապարակված նյութերի վրա:
Հետազոտական ծրագրերի ղեկավար Նինա Իսկանդարյանը նկատեց, որ մոնիթորինգի արդյունքում առավել ակնհայտ էր ոչ թե նախընտրական ծրագրերի նպատակաուղղված բովանդակությունը, այլ կուսակցությունների ուժային պայքարը. «Մոնիթորինգի նպատակն է՝ ԶԼՄ-ների, կուսակցություների եւ ընտրողների ուշադրությունը հրավիրել ազատ ընտրությունների անցկացմանը եւ քաղաքական պայքարի արդյունքում նոր ԱԺ-ի ձեւավորմանը»: Հետազոտող խումբն ուսումնասիրել է բոլոր կուսակցությունների նախընտրական ծրագրերը եւ դրանց լուսաբանումը ԶԼՄ-ներում, մասնավորապես՝ «Ազգ», «Առավոտ», «Հայոց Աշխարհ», «Երկիր», «news.am», «lragir.am», «hetq.am»: «Ակնհայտ էր, որ կուսակցությունների մեծ մասը շեշտը դրել է պետական համակարգի, տնտեսության, առողջապահության, կրթության եւ բնապահպանության զարգացման, ինչպես նաեւ՝ սոցիալական խնդիրների լուծման վրա: Բոլորը նշում են բարեփոխումների իրականացման ծրագրեր, սակայն չեն մանրամասնում, թե ինչպես պետք է այդ ամենն իրականացնեն»,-ասաց հետազոտության մասնակից Հրանտ Միքայելյանը:
Անդրադառնալով ԶԼՄ-ների լուսաբանումներին, Ն. Իսկանդարյանը նշեց. «Մենք վերլուծել ենք քաղաքական գործիչների տված հարցազրույցները եւ հրապարակումները: Մեծ մասամբ լրագրողները ներկայացրել են ծրագրերի ընդհանուր դրույթները՝ բաց թողելով քաղաքական գործիչների մանրամասն պարզաբանումները դրանց վերաբերյալ»,-հավելեց Ն. Իսկանդարյանը: Նա նաեւ նշեց, որ «Առավոտն» ու «Հայոց Աշխարհն» առանձնացել են նախընտրական ծրագրերի վերլուծությամբ եւ համեմատությամբ: Մոնթթորինգն իրականացրած խմբի անդամներից Տաթեւ Սարգսյանը նկատեց, որ քաղաքական ուժերը պատրաստ չեն կոնկրետ դրույթներ ներկայացնել հանրությանը, ինչը դժվարացնում է ընտրողի գործը:
Լուիզա ՍՈՒՔԻԱՍՅԱՆ
