«Ժառանգություն» կուսակցությունը «խուրդել» են , հարգարժան տիկին Բախշյան» ,- այսօր մամուլի ազգային ակումբում տիկին Բախշյանին դիմելով ասաց Ժողովրդական կուսակցության նախագահ Տիգրան Կարապետյանը,- «Այնտեղ կան մարդիկ, որոնք ձեր կուսակցության հետ կապ չունեն: Այստեղ պետք է խոսել մի նոր ուժի մասին, որն ինչպես էլ գործի՝ «Ժառանգության» պես չի կարող գործել, որովհետեւ «Ժառանգությունը» յուրահատուկ տեսք ուներ, հիմա այլ ձեւ կլինի: Եկեք խոսենք, որ ձեւաչափը փոխվել է»: Տիկին Բախշյանը պարոն Կարապետյանի տեսակետի հետ համաձայնեց. «Պարոն Կարապետյանը մի կարեւոր բան ասաց, որ «Ժառանգություն» խումբը , թիմը , ցուցակը այն ազնիվ տանիքն է, որի տակ բոլոր թեկնածուները ամրագրված են, որի մեջ կան նաեւ ազատ դեմոկրատներ, եւ նրանց նա հանձնարարեց շատ կարեւոր բան, որ տեսեք՝ նշաձողը չիջեցնեք, որը Ազգային ժողովում դրել է «Ժառանգությունը»: Ինչ վերաբերում է կոալիցիոն կուսակցություններին, պարոն Կարապետյանի գնահատմամբ, բոլորն էլ ընտրակաշառքներ են բաժանելու. «Կամ փող կամ այլ իրեր: Մենք չենք դիմելու ընտրակաշառքի, գիտեմ մենք չենք անելու, ՀԱԿ-ը չի անելու, «Ժառանգությունը» չի անելու»:
Արփինե ՍԻՄՈՆՅԱՆ
