Այսօր Գեղարքունիքի մարզի ոստիկանների օրը նշվեց մարզկենտրոն Գավառ քաղաքում:
Անհայտ հերոսի հիշատակն հավերժացնող հուշարձանին ծաղկեպսակ դնելուց հետո մարզի ոստիկանները մասնակցեցին Գավառի սուրբ Աստվածածին եկեղեցու մոմավառության արարությանն ու ուղեւորվեցին Գավառի ավագ դպրոց, որտեղ էլ կազմակերպվել էր Ոստիկանության օրվան նվիրված հանդիսությունը:
Գեղարքունիքի մարզի ոստիկաններին շնորհավորելու էր եկել ՀՀ Ոստիկանության հասարակական կարգի անվտանգության ապահովման վարչության պետ, ՀՀ ոստիկանության գեներալ Աղասի Կիրակոսյանը:
Ոստիկանության օրվա առթիվ Գեղարքունիքի ոստիկանության 16 ծառայող եւ 47 ոստիկանության վետերան ՀՀ նախագահի եւ ներքին գործերի նախարարի հրամանագրերով արժանացան մեդալների, կոչումների եւ դրամական պարգեւների:
Կարդացեք նաև
Ինչպես Aravot.am-ի հարցերին պատասխանեց Ոստիկանության Գեղարքունիքի մարզային վարչության պետի օգնական Միշա Սաֆարյանը`ՀՀ տասնմեկամյա ոստիկանությունն այսօր էլ ունի բազում հիմնախնդիրներ, որոնցից ամենաառաջինը բնակիչ եւ ոստիկան հարաբերությունների կարգավորումն ու փոխվստահության ձեռքբերումն է: Իսկ մարզային ոստիկանության ամենամեծ ձեռքբերումը նախկինում կատարված եւ չհայտնաբերված հանցագործությունների բացահայտումներն են:
Միջոցառման գեղարվեստական մասն ապահովեցին Գավառի մանկատան սաները:
Հանդիսություններին կից սրահում բացվել էր ցուցահանդես-վաճառք, որտեղ ներկայացված էին Գավառի մանկատան սաների ձեռքի աշխատանքները: Գավառի մանկատան մեթոդիստը նշեց, որ մասնակից ոստիկանների մեծ մասը գնել են հուշանվերներ, առավելապես` թաղիքագործ եւ ձեռագործ հայկական դրոշներ:
Անի ՊՈՂՈՍՅԱՆ
