արխիվային լուսանկար
Քիչ առաջ ավարտվեց ՀՀ նախագահ Սերժ Սարգսյանի հանդիպումը Արաբկիրի վարչական համայնքում: Այն ընթացքում, երբ նախագահը խոստումներ էր տալիս եւ ՀՀԿ-ին հավատալու կոչեր անում, քիչ հեռու` բանակում զոհված զինծառայողների սեւազգեստ մայրերը զոհված որդիների նկարները վեր պարզած կանգնել էին ու փորձում էին իրենց ձայնը լսելի դարձնել: «Չենք հավատում: Հավատացինք, դրա համար էլ մեր որդիներին սպանեցին: Մեղավորներն էլ անպատիժ են»,- բղավում էին նրանք:
Այդ ընթացքում ՀՀ նախագահի թիկնազորի աշխատակիցները շատ արագ շրջապատեցին այդ կանանց` զրկելով նրանց նախագահին մոտենալու հնարավորությունից: Նույնիսկ ֆոտոլրագրողներից մեկին սաստեցին` «հերիք է, այդքան ինչ եք նկարում»:
Սերժ Սարգսյանը դուրս գալուց, իրենից ընդամենը երեք-չորս մետր հեռավորությամբ կանգնած կանանց նույնիսկ «չնկատեց», անգամ մյուս բնակիչների հետ զրույցի չբռնվեց:
Նելլի ԳՐԻԳՈՐՅԱՆ
Տեսանյութը՝ Tert.am-ի
