«Սկսում են ցեխ շպրտել»,- այսպես արձագանքեց Գագիկ Ծառուկյանը Aravot.am-ի հարցին՝ ի՞նչ է մտածում ինքն այն մասին, որ երեկ կայքերից մեկը հրապարակել էր փաստահավաք խմբի զեկույցը, որում խոսվում է Գագիկ Ծառուկյանի թիկնազորի մարտիմեկյան իրադարձություններին մասնակցության մասին:
Ծառուկյանն ասաց, որ անկախ ամեն ինչից, ինքը եղել է եւ շարունակելու է լինել ժողովրդի կողքին ու պատրաստ է տուժել, վնասներ կրել, կորցնել՝ միայն պահպանի ժողովրդի վստահությունը:
Այնուհետեւ Panorama.am-ի հարցին՝ իր կարծիքով, ԲՀԿ-ի դեմ սեւ PR է արվո՞ւմ, Ծառուկյանը պատասխանեց. «Թույլերն են անում»: Նա չմանրամասնեց անուններ, միայն ասաց, որ ԲՀԿ-ն հավատարիմ է մնալու իր սկզբունքներին եւ ցեխ չի շպրտելու:
Նելլի ԳՐԻԳՈՐՅԱՆ
