Հայաստանի մարքսիստական կուսակցության ղեկավար Դավիթ Հակոբյանի աղջիկը «Ազատ դեմոկրատներ» կուսակցության նախագահ Խաչատուր Քոքոբելյանի եղբոր՝ Վաչիկի կինն է: Դավիթ Հակոբյանը մայիսի 6-ի խորհրդարանական ընտրություններում Տավուշի մարզի թիվ 41 ընտրատարածքում (կենտրոնը՝ Իջեւան) պատգամավորության թեկնածու է գրանցված: «Ազատ դեմոկրատները», մասնավորապես՝ Քոքոբելյանները ընտրարշավում կօգնե՞ն մարքսիստ Դավիթ Հակոբյանին: Նշենք, որ նման աջակցության հնարավորությունը սահմանափակ է, քանզի Քոքոբելյանների ծննդավայր Աչաջուր գյուղն ընդգրկված է այլ՝ Տավուշի մարզի թիվ 40 ընտրատարածքում (կենտրոնը՝ Նոյեմբերյան):
Ոսկան ՍԱՐԳՍՅԱՆ
