Հատված Վարդան Ջհանգիրյանի ներկայացուցիչ, կոնգրեսական Արմեն Խաչատրյանի հարցազրույցից
– Հետաքրքիր է ժողովրդի տրամադրությունը։ Ընդդիմադիր քաղաք է եղել Վարդենիսը։ Հիմա մարդիկ ինչպիսի՞ն են։
– Այսօր նրանք մտածում են երկիրը թողնել-գնալու մասին, ընտրությունների վրա հույս չեն դնում։ Այսինքն, ընտրողի առումով մենք ոչ թե խնդիր ունենք՝ քարոզելով մեր թեկնածուին, կամ ՀԱԿ-ին ձայն տալու հարց լուծենք, այլ ստիպված ենք արթնացնել գիտակցությունը, որ ինքը դեռ ընտրող է, քաղաքացի է, որ նրա ձայնից կախված է նրա ապրելու կերպը։
– Իսկ ընտրակաշառքի բաժանման դեպքեր նկատեցի՞ք այս օրերին։
Կարդացեք նաև
– Սոցիալական վիճակը դրդում է մտածելու դրա մասին։ ՕԵԿ թեկնածու Կարեն Բոթոյանն իր քարոզարշավն անցկացնում է հյուրասիրություններով՝ ապիիլի 7-ի, Զատիկի եւ այլ առիթներով։ Գոնե այդ հյուրասիրությունները լինեին եվրոպական ճաշկերույթների, բիզնես-լանչերի ձեւով, որտեղ նա կփորձեր հարաբերություններ հաստատել, զուցեեւ ընդունեինք, բայց սրանց ողջ իմաստն ընտրողի քվեն մի կտոր խորովածով ձեռք բերելն է։ Բողոքի առանձին թեմա է սա, եւ չի բացառվում, որ մենք այս հարցով դիմենք ընտրական հանձնաժողովին՝ թեկնածուի կողմից նմանատիպ գործունեությունը դադարեցնելու կամ նույնիսկ միանգամից վարչական վարույթ սկսելու պահանջով։
Սյուզան ՍԻՄՈՆՅԱՆ
«Հրապարակ»
