Չարենցավանում նախկին քաղբանտարկյալ Սասուն Միքայելյանին շատ ջերմ ընդունեցին: Նա իր ելույթն այսպես սկսեց՝ «Մենք մեր այսօրվա քարոզարշավը սկսել ենք Եղվարդում: Այս կարճ ժամանակահատվածում ահագին առաջընթաց կա: Եղվարդի քաղաքապետարանի աշխատողները վերեւից էին նայում մեզ, իսկ այստեղ իջել են ներքեւ արդեն՝ էյ վի տամ, վնիզու, զդրաստվույտե»,- նորից քաղաքավարություն ը չմոռանալով՝ ողջունեց Սասուն Միքայելյանը: Նա նաեւ նշեց, որ հեռվում՝ քաղաքապետարանի մոտ կանգնած է նաեւ իր վաղեմի ընկեր Գագիկ Կարապետյանը. «Գագո, մի վախեցի, մոտ արի, էս մի տարի ա, ազատվել եմ գաղութից»:
Արամ Մանուկյանը չարենցավանցիներին հորդորեց մյուս քաղաքական ուժերի «ծափ, տաշ-տըմբլին» չնայեն. «Ժողովուրդ, սա լուրջ քաղաքական ակցիա է, որտեղ որոշվում է ձեր ճակատագիրը, ում կլիպը երկար եղավ, ում փուչիկը շատ է՝ ամոթ է, ձեռ են առնում մեզ, 4 տարի կորչել են ընդհատակ Խոսրովի տեսակը, Արթուրի տեսակը, Գեղամյանի, Շուշանի տեսակը եւ հետո 4 տարվա արանքում գալիս են մեծ-մեծ խոստւմներ տալիս»:
Նախկին քաղբանտարկյալ Վարդան Մալխասյանն էլ նկատեց՝ «Սրանք սարսափում են հատկապես ՀԱԿ-ից, որովհետեւ զգալի գումարներ են կողոպտել մեզնից, եւ այդ գումարների զգալի մասը ծախսել են Լեւոն Տեր-Պետրոսյանին ու նրա շրջապատին թուլացնելու, քայքայելու, վարկաբեկելու, պառակտելու վրա: Դուք մի կարծեք, որ էժան են նստել սրանց վրա Մանվելը, Գեղամյանը, Արթուր Բաղդասարյանը: Դրանց բոլորին պիտի վճարեն: Այս սկզբունքով են առաջնորդվում՝ ընդունեք ստորությունը, ձեռք կբերեք բարիքը եւ ձեր ստորությունը կդառնա բարոյականություն»:
Կարդացեք նաև
Ըստ Վ. Մալխասյանի, այս իշխանությունները վախի ու սարսափի մեջ են եւ իրենց վերջին «փրփուրը» մնացել է սուտը, կեղծիքը. «Այնպես են ներկայացնում մեր կյանքը, որ թվում է թե դրախտ է՝ մենք տեղյակ չենք: Ասում էին Գյումրին ուզում ենք դարձնել մի դրախտային քաղաք, դրանք ստեր են՝ սկսած «Արմենիկումից» վերջացրած մինչեւ այսօր: Այնպիսի ստեր կասեն, որ միամիտ մարդը կզարմանա, թե սրանք որ աշխարհից, որ երկրից են եկել: Վերջերս Սերժ Սարգսյանը հայտարարեց, թե անմենաբարձր հատկանիշները խտացված է Արթուր Բաղդասարյանի մեջ, ասեց սա է բարոյականությունը: Արթուրը նաեւ ապացուցեց, որ քաղաքականությունը նաեւ բարոյականություն է, այսինքն` սրանց պատկերացմամբ այն քաղաքական գործիչը, որը ժողովրդին նենգաբար ներկայանում է որպես ընդդիմադիր, խաբում, կորզում է ժողովրդի ձայները եւ այդ ձայնի վրա առեւտուր է անում արյան ու դիակների վրայով եկած իշխանավորների հետ՝ դա է իրենց պատկերացմամբ բարոյականությունը»:
Նախկին զինդատախազ Գագիկ Ջհանգիրյանի խոսքերով՝ «ՀԱԿ-ը արդեն 4 տարի է, ինչ պայքարում է այս վարչախմբի մեջ, մենք արել ենք ու կանենք անհնարինը, որպեսզի օր առաջ ազատվենք այս իշխանությունից: Միթե՞ մեր նպատակը ԱԺ-ում խմբակցվություն ունենալն է, պատգամավորի մանդատ ունենալն է, միթե՞ դատախազի տեղակալի սենյակից ընդմիջմանը եկել եմ Ազատության հրապարակ, որ հետո գնամ պատգամավո՞ր դառնամ, մեր նպատակը ավելի հեռահար է, մենք ավելի գործ ունենք անելու: Մենք պետք է ունենանք ավելի լուրջ, ծանրակշիռ ներկայություն Ազգային ժողովում, որը միջոց է ՝ նախագահական ընտրությւոններում հաղթանակ ապահովելու համար: Ջհանբգիրյնանը նաեւ նշեց, որ նկարահանող սարքեր, նկարող գրիչներ չկան, դրանք հեքիաթ են, հոգեբանական ազդեցություններ են, որպեսզի տեխնիկային անտեղյակ մարդիկ վախենան ու քվեարկեն պարտադրանքով»:
Հռիփսիմե ՋԵԲԵՋՅԱՆ
