12.04.2012 թ.-ին ՀՀ ԿԳ նախարարության կայքում տեղադրվել է «ԵՊԼՀ-ի կրթական գործունեության նկատմամբ իրականացված վերահսկողության արդյունքների մասին» ակտը, ինչի վերաբերյալ բուհը ստանում է բազմաթիվ հարցումներ տարբեր ԶԼՄ-ներից, ուստի հարկ ենք համարում հայտնել հետևյալը: Ուրախությամբ նշում ենք, որ փոփոխություններ են արվել ՀՀ ԿԳՆ կայքում տեղ գտած 12.04.2012թ. «ԵՊԼՀ-ի կրթական գործունեության նկատմամբ իրականացված վերահսկողության արդյունքների մասին» ակտում: Խիստ կասկածելի կետերը դուրս են հանվել, սակայն ԵՊԼՀ կրթական գործունեության նկատմամբ իրականացված վերահսկողության արդյունքներով կազմված ակտի նախագծի վերաբերյալ բուհի առարկությունների և առաջարկությունների զգալի մասը, այնուամենայնիվ, հաշվի չի առնվել նախարարության կողմից, ավելին՝ խախտելով ՀՀ ԿԳ նախարարի 19.03.2012 թ.-ի N 190-Ա/Ք «Երևանի Վ. Բրյուսովի անվան պետական լեզվաբանական համալսարանի կրթական գործունեության նկատմամբ վերահսկողություն իրականացնելու և այդ նպատակով հանձնաժողով ստեղծելու մասին» հրամանի 1-ին կետը. «Երևանի Վ. Բրյուսովի անվան պետական լեզվաբանական համալսարանի 2009-2010 և 2010-2011 ուսումնական տարիների կրթական գործունեության նկատմամբ իրականացնել վերահսկողություն»:
Նկատենք նաև, որ «Երևանի Վ. Բրյուսովի անվան պետական լեզվաբանական համալսարանի կրթական գործունեության նկատմամբ իրականացված վերահսկողության արդյունքների մասին» ակտում տեղ են գտել ներմուծված բաժիններ (օրինակ՝ 2008թ.-ին շնորհված դիպլոմի վերաբերյալ դիտողությունը):
Իրոք, 2008թ.-ին շնորհված դիպլոմում տեղ է գտել սխալ, որի պատասխանատուներն այլևս չեն աշխատում բուհում:
Ներկա պահին ԵՊԼՀ շրջանավարտների դիպլոմների լրացումը կատարվում է համաձայն ՀՀ ԿԳ նախարարի 23.06.2010թ.-ի թիվ 609-Ն «Հայաստանի Հանրապետության բարձրագույն ուսումնական հաստատությունների շրջանավարտների ավարտական փաստաթղթերի պատվիրման, բաշխման, լրացման, հաշվառման և պահպանման կարգ»-ի 3-րդ գլխի 16-րդ կետի և հավուր պատշաճի:
Կարդացեք նաև
Սակայն մինչ այդ խնդրում ենք խուսափել «լուրջ խախտում» եզրույթից, քանի որ այն հասարակական ինքնագիտակցության հարթությունում մեկնաբանվում է որպես հանցագործություն և, ըստ էության, հանցագործության հոմանիշ է:
Հույս ունենք, որ ՀՀ ԿԳ նախարարության կողմից անդրադարձ կկատարվի և կվերանայվի «Երևանի Վ. Բրյուսովի անվան պետական լեզվաբանական համալսարանի կրթական գործունեության նկատմամբ իրականացված վերահսկողության արդյունքների մասին» ակտը, այլապես ակտի վիճելի կետերի իրավաչափության և օրինականության հարցը կվիճարկվի դատարանում:
Հիշեցնում ենք, որ նշված ակտի վերաբերյալ արդեն եղել է բուհի հայտարարությունը՝ կից փաստաթղթերով:
Ռեկտորատ
