Ռաֆիկ Ստեփանյանը 82 տարեկան է, թոշակառու, Կոմկուսի անդամ: Aravot.am-ի հետ զրույցում նա նշեց, որ մայիսի 6-ին ընտրելու է Հայաստանի կոմունիստական կուսակցությանը: Մեր այն հարցին, ինչո՞ւ պիտի ընտրողն իր ձայնը տա կոմունիստներին, մեր զրուցակիցը պատասխանեց. «Կոմկուսին ընտրելու եմ զուտ նրա համար, որ այն մեր երկրում կառուցեց գործարաններ, ստեղծեց աշխատատեղեր, աշխատողներին անվճար տրամադրվեցին բնակարաններ»:
Մեր դիտարկմանը, թե թվարկված բոլոր պատճառները վերաբերում են անցյալին, իսկ ի°նչ է առաջարկում Կոմկուսը ապագայի համար, երիտասարդներն ինչո°ւ պիտի ընտրեն այդ կուսակցությանը, Ռ. Ստեփանյանը պատասխանեց. «Երիտասարդը պետք է ընտրի կոմունիստներին, քանի որ ուսումը լինելու է ձրի: Այս ուսուցումը շատ վատն է, քանի որ ՀՀՇ-ականների արտադրած գրքերում հարյուր հատից պակաս սխալ չես գտնի»:
Մեր զրուցակցից հետաքրքրվեցինք՝ ի՞նչ կարծիք ունի մյուս կուսակցությունների մասին: Նա պատասխանեց. «ՀՀԿ-ին ջնջել, բացարձակ եմ ասում, քանի որ Հանրապետականի կլիչկայով պատգամավորները ազգին ոչինչ չեն տալիս, միայն իշխանության համար են պայքարում: Ժառանգությունը՝ ոչինչ: Դաշնակները՝ էլի հարմար են: ՕԵԿ-ը սուտ է: Հայտարարեց, որ Խնայդրամարկղերում եղած գումարները պիտի վերադարձնեն, բայց ոչ մի գումար չի վերադարձվել: ԲՀԿ-ն շատ լավ է, նույնիսկ կարելի է համեմատել Կոմկուսի հետ, քանի որ որ գյուղացուն տալիս է մեխանիզմ, սերմեր»:
Կարդացեք նաև
Տաթև ՀԱՐՈՒԹՅՈՒՆՅԱՆ
