Աբովյանում մի ծեր մարդ, որը եկել էր ՀԱԿ-ի հավաքին եւ առաջին շարքերում էր, իր կողքին կանգնած ընկերոջը հարցրեց՝ «Ըստոնցից Լեւոնը ո՞րն ա»: Երբ կողքինը ցույց տվեց Լեւոն Տեր-Պետրոսյանին, ասաց՝ այն ծխողն է, պապիկը հիացավ՝ «Վաաա՜յ, ինչ էլ բոյով մարդ է Լեւոնը»: Մենք պապիկից հետաքրքրվեցինք, այսքան տարի, հայրիկ ջան, չէի՞ք տեսել Լեւոն Տեր-Պետրոսյանին, նա պատասխանեց. «Մի-երկու անգամ տելեվիզորով տեսել եմ, էն թվերին, դրանից հետո Լեւոնին ո՞վ է տեսել» (Լուսանկարում հենց այդ պապիկն է):
Աբովյանում իր ելույթում Արամ Մանուկյանը նշեց, որ «էս մորեխները գալու-գնալու են, մենք ենք մնալու, ժողովուրդը էլ համբերություն չունի իրենց լֆիկներից, պզիկներից, նեմեցներից»:
Սասուն Միքայելյանն էլ ընդգծեց. «Անձամբ ես անասուն չեմ, ընտրելու եմ ՀԱԿ-ը: Թող քաշեն պատի տակ գնդակահարեն, ես ժողովրդից կես սանտի չեմ հեռվանա: Ես էսօր կանգնած եմ ՀԱԿ-ի կողքին, որովհետեւ էսօր ձեր հավատը չկորցրեցին: Ուղղեք ձեր ողնաշարը, ժողովուրդ ջան, հետո ուշ կլինի»:
Կարդացեք նաև
Լեւոն Տեր-Պետրոսյանն էլ գուշակություն արեց, որ վստահ է, հավաքվածներից շատերի գպանում 5000 դրամ էլ չկա: Ներկաները համաձայնվեցին՝ «Լեւոն ջան, էդքան էլ չկա»:
Հռիփսիմե ՋԵԲԵՋՅԱՆ
