Տեխզննմանն գործընթացը էապես պարզեցված է: Այսօր կառավարության նիստի ժամանակ` անդրադառնալով պետական ծառայություններում անցկացրած իրենց մոնիտորինգին, ասաց վարչապետ Տիգրան Սարգսյանը: Նրա խոսքերով, մանկապարտեզներում, դպրոցներում ու բուհերում բժշկական տեղեկանքների ներկայացման գործընթացը պարզեցվել է ու այս ոլորտում դրական տեղաշարժ են նկատել քաղաքացիների 87,5 տոկոսը. «Նոտարական գրասենյակներում յուրաքանչյուր ծառայության սակագների հստակեցման ու վերահսկման գործընթացից գոհ են 84,4 տոկոսը: Վարորդական վկայականները կարելի է ստանալ մեկ քննության ու կատարելով մեկ օրինական վճարում, ովքեր, որ առնչվել են 82, 1 տոկոսը դրական է գնահատում այդ բարեփոխումների արդյունքները: Կադաստրում առք ու վաճառքի եւ վարձակալության պարզեցումը, չափագրումներն այլեւս պարտադիր չեն , տեղեկացվածների 79 , 3 տոկոսը գնահատում է, որ դրական տեղաշարժեր կան»:
Վարչապետն ասաց, բարեփոխումների մասին բնակչությանը տեղեկացնելու համար հատուկ քարոզարշավ են անցկացրել ու քաղաքացիներին տեղեկացրել իրենց իրավունքների մասին .«Ակցիան տվել է դրական արդյունքներ»:
Պարոն Սարգսյանի խոսքերով առաջիկայում եւս կշարունակեն մոնիտորինգը տասնութ տեսչական ծառայություններում:
Կարդացեք նաև
Արփինե ՍԻՄՈՆՅԱՆ
