Արմավիրի մարզի Փարաքար եւ Էջմիածին համայնքներում ՀՀԿ նախագահ Սերժ Սարգսյանը կոչ արեց Հանրապետական կուսակցությանը վստահելով՝ ձայն տալ նաեւ թիվ 19 ընտրատարածքում մեծամասնական ընտրակարգով առաջադրված պաշտոնաթող գեներալ Սեդրակ Սարոյանի օգտին: Երկու տեղում էլ նախագահի այս կոչին հետեւեցին ծափերն ու ուռաները: Ի դեպ, հավաքների ժամանակ, ի թիվս ՀՀԿ-ի դրոշների, վեր էին պարզված նաեւ Սեյրան Սարոյանի նախընտրական պաստառները՝ «Դեպի հաջորդ հաղթանակ» կարգախոսով:
«Ես չեմ կիսում այն մարդկանց կարծիքը, որ այս Ազգային ժողովն ավելի վատն էր, քան նախորդը: Ինչո՞վ էր վատը. օրենքնե՞ր չի ընդունել, մեր երկիրը չի՞ զարգացրել»,- ասաց ՀՀԿ նախագահը՝ ընդունելով, որ խնդիրներ կան եւ ամեն նոր Ազգային ժողով պետք է ավելի լավը լինի:
Նախագահը չբացառեց, որ անցած տարիներին իշխանությունը կարող էր ավելի լավ աշխատել: Ասաց, որ ընդունում է այդ առիթով հնչած քննադատությունները ու հավելեց. «Բայց դա չի նշանակում, որ եթե ուրիշները լինեին՝ ավելի լավ կաշխատեին»:
Ասաց, որ անցած տարիներին Հայաստանի առջեւ ծառացած մարտահրավերները շատ էին ու իշխանությունից շատ ջանք պահանջվեց:
Կարդացեք նաև
Նախագահի նախընտրական հանդիպումները շարունակվեցին Մեծամորում, ապա մարզկենտրոն Արմավիր քաղաքում:
Նելլի ԳՐԻԳՈՐՅԱՆ
