Ադրբեջանի հետ սահմանը հսկող տավուշցի պայմանագրային զինծառայողներից շատերը պայմանագրի ժամկետը լրանալուց հետո հրաժարվում են դրանք երկարաձգել: Դա այն դեպքում, որ զինծառայողներից շատերը ֆինանսական վատ վիճակում են, բանկերում վերցրած վարկերի «տակ են»:
Պայմանագրային զինծառայողներն «Առավոտի» թղթակցին ասացին, որ ապրիլի 1-ից շուրջ 15 տոկոսով ավելանալու են մարտական ծառայության համար տրվող գումարները: Սակայն դա էլ չի հրապուրում: Պայմանագրային զինծառայողներից շատերը միջին տարիքի մարդիկ են, եւ չեն համակերպվում ռազմական հաճախակի վարժանքներին:
Գյուղատնտեսական աշխատանքների եռուն շրջան է, սակայն պայմանագրային զինծառայողները զբաղվածության պատճառով չեն կարողանում մշակել իրենց հողամասերը: Այս ամենին գումարվում են մարտական դիրքերում առկա բազում վտանգները:
Կարդացեք նաև
Ոսկան ՍԱՐԳՍՅԱՆ
