Այսօր ՀԱԿ-ի նախընտրական քարոզարշավի ժամանակ, Ապարանում բնակիչները Արամ Զ. Սարգսյանին այսպես ողջունեցին ելույթից առաջ՝ Արամ, ամեն ինչ կարամ: Արամ Սարգսյանը հակադարձեց. «Դժբախտաբար, ամեն ինչ չեմ կարա, որ կարենայի՝ էս իշխանություններին կփոխեի»:
Իր ելույթում նա խոսելով ընտրակաշառքների մասին, ասաց. «Բոլորս հո գիտենք, որ Զատիկի ձու, ջեմ, օծանելիք, գարի ու սելիտրա են բաժանում: Բոլորս հո գիտե՞նք, որ մտնելու են տնետուն ու ստիպելու են իրենց փողը վերցնել՝ վախեցնելով, որ եթե չվերցնես՝ գործից կազատեն: Որ գան, ասեք՝ ախպեր, էդ փողը որտեղի՞ց, էդ հերդ ա՞ տվել, թե՞ մերդ: Էդ փողերը ձեզանից գողացած փողերն են»:
Ինչ վերաբերում է ՀՀԿ կարգախոսին, Արամ Սարգսյանը նշեց, որ իրենք հավատալու մի բան ունեն՝ հավատում են Աստծուն:
Հռիփսիմե ՋԵԲԵՋՅԱՆ
