Ապրիլի 10-ին Արագածոտնի մարզում իր քարոզարշավն է անցկացրել ՀԱԿ-ը: Քարոզչության վայր նրանք ընտրել են Աշտարակ, Ապարան քաղաքները եւ հարակից մի քանի գյուղեր: Սակայն, քարոզարշավի հենց սկիզբից նրանք զերծ չեն մնացել էական խախտումներից եւ շրջանցել են օրենքով սահմանված մի շարք պահանջներ: Այսպես՝ «Հավաքների ազատության մասին» ՀՀ օրենքի 12-րդ հոդվածը պահանջում է, որ հավաքի մասին իրազեկումը լիազոր մարմնին պետք է ներկայացնել հավաքի անցկացման օրվանից ոչ ուշ, քան 7 օր առաջ եւ ոչ շուտ, քան 30 օր առաջ: Մինչդեռ, Աշտարակի քաղաքապետարանին ՀԱԿ-ի կողմից հավաքի մասին իրազեկումը ներկայացվել է հավաքի անցկացման նույն օրը՝ ապրիլի 10-ին: Նույն՝ ապրիլի 10-ին է ստացվել հավաքի մասին իրազեկումը նաեւ Ապարանի քաղաքապետարանում: Այստեղ նշված չէ նաեւ հավաքի մասնակիցների սպասվող թիվը, ինչը որ իրազեկմանը ներկայացվող պարտադիր պահանջներից է:
ՀՀ Արագածոտնի մարզի Աշտարակի եւ Ապարանի քաղաքապետարաններ
