Ալավերդի քաղաքում, Հայրենական մեծ պատերազմում զոհվածների հուշարձանի հարեւանությամբ, գեղատեսիլ բնության գրկում հառնում է շքեղ այս կառույցը: Այն նախկին անտառտնտեսության շենքն է, որ վերակառուցվելուց հետո հնդիկ մահառաջայի պալատ է հիշեցնում: Ալավերդու մեր աղբյուրները հայտնում են, որ այն գրանցված է ալավերդցի Հարություն Շոլինյանի անունով: Հ.Շոլինյանը ճանապարհի եզրին գտնվող սրճարանի տեր է: Ալավեդցիները լուրջ կասկածներ ունեն, որ դղյակի փաստացի տերը բարձրաստիճան պաշտոնյա է: Ճշմարտությունը կպարզվի, երբ շենքի կառուցապատումն ավարտվի, եւ այն բնակեցվի:
Ոսկան ՍԱՐԳՍՅԱՆ
