Հայաստանի Կոմկուսի առաջին քարտուղար Ռուբեն Թովմասյանը հայտարարել է, թե առաջիկա ընտրություններում լուրջ մրցակից է համարում բոլոր ուժերին, հատկապես՝ ՀԱԿ-ին, որովհետեւ «90-ականներին երկիրը ՀՀՇ-ականները շողուլից քցեցին»:
«ՉԻ»- ընտրություններն այնուամենայնիվ լավ բան են: Եթե դրանք չլինեին՝ հինգ տարին մեկ չէինք հիշի, որ Հայաստանում նաեւ Կոմկուս կա: Ավելին, այդ կուսակցությունը միշտ իրեն հռչակում է ընդդիմադիր, պայքարում ընդդիմության դեմ, եւ այդ ամենը՝ վաղուց գոյություն չունեցող պետության դրոշի ու զինանշանի ներքո:
Ինչ վերաբերում է «երկիրը շողուլից քցելուն», ապա այստեղ Ռուբեն Թովմասյանը փոքր-ինչ «տեղը չի բերում»: Որքան էլ ցավալի է, բայց Հայաստանը «շողուլից ընկել է» Կոմունիստական կուսակցության իմաստուն ղեկավարության տարիներին: Հենց կոմունիստների օրոք էր, որ ռուբլին արժեզրկվեց մի քանի տարյուր տոկոսով, որ կարագը, հացը եւ անգամ ծխախոտը կտրոնով էին, որ թալանվում էին Հայաստան մտնող վագոնները եւ այլն: ԽՍՀՄ-ն էլ, ի դեպ, փլուզվել է ականավոր կոմունիստ Միխայիլ Գորբաչովի համառ ջանքերի շնորհիվ:
«Չորրորդ ինքնիշխանություն»
