Ինչպես Aravot.am-ին հայտնում է ֆոտոլրագրող Գագիկ Շամշյանը, ՀՀ ոստիկանության Գեղարքունիքի մարզային վարչության պետ Վարդան Նադարյանի կողմից ծառայողական քննություն է սկսվել մամուլում հրապարակված այն տեղեկությունների փաստով, որ մարտի 30-ին Ճամբարակի քաղաքապետ Յուրա Ավալյանին պատկանող գազալցակայանում տեղի է ունեցել վիճաբանություն, որի ժամանակ 3 ոստիկան ծեծի է ենթարկվել, որից հետո ոստիկանությունը իրենց թասիբը չի պահել, ինչպից էլ ազդված, ի նշան բողոքի հանձնել են իրենց վկայականները և դուրս եկել համակարգից:
Երեկ ֆոտոլրագրող Գագիկ Շամշյանը Ճամբարակում հանդիպել է վերոհիշյալ ոստիկաններին՝ Արթուր Արամյանին, Լևոն Դանելյանին և Արտաշես Միքայելյանին: Վերջիններս հերքել են, որ տեղի է ունեցել նման միջադեպ և իրենց մասնակցությամբ ոչ մի վեճ և ծեծկռտութ տեղի չի ունեցել և իրենք երկար տարիներ աշխատում են ոստիկանության համակարգում և իրենց վկայականները չեն հանձնել, քանի որ դրա կարիքը չկա, կանոնավոր եկել են աշխատանքի:
Նրանք ընդգծել են նաև, որ իրենք ապաքաղաքական անձնավորություններ են և չեն միջամտում քաղաքական որևէ գործընթացի:
Մանրամասները՝ շուտով տեսանյությում
Լուսանկարները ՝ Գագիկ Շամշյանի
