ՕԵԿ-ի կազմակերպած հանրահավաքին ելույթ ունեցան համամասնական ցուցակի առաջին 20 համարները եւ համամասնական ընտրակարգով առաջադրված նախարարները: Բոլորն էլ կոչ արեցին մայիսի 6-ին գնալ ընտրությունների եւ քվեարկել ՕԵԿ-ի օգտին, եթե ցանկանում են Հայաստանը դառնա օրինաց երկիր:
ՕԵԿ խմբակցության պատգամավոր Խաչիկ Հարությունյանը լոռեցիների անունից հայտարարեց, որ իրենք հուսախաբ չեն անելու կուսակցական ղեկավարությանը եւ ընտրելու են ՕԵԿ-ին:
ՕԵԿ փոխնախագահ Մհեր Շահգելդյանն ասաց, թե «Օրինաց երկրի» հաղթանակն ընտրություններում լինելու է ՀՀ յուրաքանչյուր քաղաքացու հաղթանակը. «Վստահեք, որ կառուցենք օրինաց Հայաստան»:
ՕԵԿ-ական պատգամավոր Հովհաննես Մարգարյանն էլ շիրակցիներին եւ գյումրեցիներին կոչ արեց «թասիբով մնալ» ու ձայն տալ ՕԵԿ-ին, եւ ապացուցել. «Որ մենք աղ ու հացի կրող ենք, որովհետեւ ՕԵԿ-ը զուտ կուսակցություն չէ, այլ օջախ»: Հովհաննես Մարգարյանը նաեւ փառթ ու պատիվ մաղթեց կուսակցության առաջնորդ Արթուր Բաղդասարյանին:
Կարդացեք նաև
Նելլի ԳՐԻԳՈՐՅԱՆ
