Այսօր՝ 23.00-ի սահմաններում, ավտովթար է տեղի ունեցել Արմավիրի մարզում:
Ինչպես Aravot.am-ին հայտնում է ֆոտոլրագրող Գագիկ Շամշյանը, Էջմիածին-Մասիս ավտոճանապարհի 5-րդ կմ-ի հատվածում Էջմիածնի բնակիչ, 54-ամյա Արայիկ Մարգարյանը, վարելով «Ֆոլցվագեն» մակնիշի 31 ՍՍ 153 համարանիշի ավտոմեքենան, դուրս է եկել ճանապարհի երթևեկելի գոտուց և շրջվել:
Դեպքի վայր ժամանած 1-03 շտապօգնության բրիգադը Ա.Մարգարյանին մարմնական վնասվածքներով տեղափոխել է Էջմիածնի քաղաքային հիվանդանոց:
Դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 1-ին դասակի տեսուչները՝ հետաքննիչ Մհեր Հակոբյանի գլխավորությամբ:
Փաստի առթիվ ոստիկանության Վաղարշապատի բաժնում նյութեր են նախապատրաստվում:
Քննիչի որոշմամբ, վթարված ավտոմեքենան տեղափոխվել է Վաղարշապատի ՃՈ տուգանային հրապարակ:
