Թաթուլ Հակոբյանը մնաց ընտրապայքարում
ՀՀ վարչական դատարանը մերժել է թիվ 37 ընտրատարածքում մեծամասնական ընտրակարգով պատգամավորի թեկնածու առաջադրված Սամվել Հարությունյանի հայցը, որով պատգամավորը բողոքարկում էր նույն ընտրատարածքում առաջադրված Թաթուլ Հակոբյանի գրանցումը` պնդելով, որ թեկնածուն վերջին 5 տարիներին հանրապետությունում չի ապրել:
Այսպիսով, Սիսիանից առաջադրված Թաթուլ Հակոբյանը կշարունակի իր պայքարը թիվ 37 ընտրատարածքում առաջադրված մյուս 3 պատգամավորի թեկնածուների հետ: Սիսիանի եւ Գորիսի տարածաշրջաններն ընդգրկող թիվ 37-ում առաջադրված են նաեւ ՀՀԿ ներկայացուցիչ Հայկ Գրիգորյանը, Սամվել Հարությունյանը եւ Վարազդատ Վարդազարյանը:
Մերի ՍՈՂՈՄՈՆՅԱՆ
