«Ժողովրդավարական հայրենիք» կուսակցության 10 պասաժիրներից յուրաքանչյուրը «Օրինաց երկիր» կուսակցության 10 հազար ներկայացուցչի համարժեք է՝ իր կենսագրությամբ, արժանապատվությամբ ու ողնաշարով»,- Aravot.am-ի հետ զրույցում ասաց «Ժողովրդավարական հայրենիք» կուսակցության նախագահ Պետրոս Մակեյանը՝ հակադարձելով իրենց կուսակցության մասին ՕԵԿ փոխնախագահ Հեղինե Բիշարյանի գնահատականներին. «Մեր 10-ից ամեն մեկը ունի ողնաշար, ոչ թե իրենց պես թռնում են: Իրենք բարոյական դասեր են տալիս Մակեյանին ,երբ, օրինակ, գյումրեցի Հովիկ կա, որը աղետի գոտու ժողովրդին եկած սննդամթերքը ծախելու, գողանալու համար դատապարտվել է…: Մակեյան, որը աշխատել է փոխմարզպետ, ժողովրդի աչքի առջեւն է եղել, եթե ես գնում եմ այդ տարածք, կա՛մ պետք է դրա իրավունքը ունենամ, կա՛մ էլ իրենց նման աննամուս լինեմ: Ես դիակների մասին չէի ցանկանա խոսել, որովհետեւ իրենց, երբ թողել ես, արդեն գարշահոտություն է գալիս: Սերժը, փոխանակ թաղեր այդ դիակները, որ գարշահոտությունը հանրապետությունով չտարածվեր, նա ուզում է վերականգնել, որ 5 տոկոսը նկարի: Ուրեմն իշխանության տեղն ինչքան նեղն է, որ դիակներն են կենդանացնում»:
Արփինե ՍԻՄՈՆՅԱՆ
